Est istada depositada in sos ufìtzios de su Setore Ambiente e Atividades Produtivas de sa Provìntzia de Aristanis sa domanda de autorizatzione integrada ambientale (AIA) pro s’installatzione IPPC de s'Impiantu pro sa produtzione de energia elètrica de digestione anaeròbica de Sutaprodutos de Orìgine Animale (SOA) (atividade Ippc indicada in su puntu 6.5 de s’allegadu VIII de su D.lgs 152/06 e de sas mudaduras e integratziones fatas a pustis) in Comune de Arcidanu.
Custa domanda de AIA est istada presentada dae Senn. Andrea Massidda, comente Amministradore Ùnicu de sa Sotziedade BIOGAS SARDEGNA GREEN S.r.l..
Sos sugetos interessados podent leare in visione sa domanda de AIA e sa documentatzione chi est allegada in s’ufìtziu Autorizatziones Ambientales de sa Provìntzia de Aristanis in carrera Carboni SNC (in su de 5 Pianos – palatzu B) – Aristanis.
Sa domanda de AIA abarrat a disponimentu pro 30 (trinta) dies naturales de sighidu dae sa data de sa presentatzione de custu avisu.
A intro de sa matessi iscadèntzia de 30 (trinta) dies, chie si siat, cunforme a s’art. 29-quater, comma 4 de su D.Lgs 152/2006 e de sas mudaduras e integratziones fatas a pustis, podet presentare a sa Provìntzia de Aristanis a s’indiritzu: carrera Enrico Carboni 09170 Aristanis, o cun sa PEC a s’indiritzu: provincia.Aristanis@cert.legalmail.it , in forma iscrita, osservatziones chi pertocant sa domanda.
(MM)
