Su comunu de Crabas nd’at strantaxau su progetu Baibau, una idea po facilitai s’adotzioni de is canis chi s’agatant in canili. In sa pàgina facebook cosa sua, ammostat fatu fatu sa fotografia de unu callalleddu chi est circhendi una famìllia. In custa diis agatais sa fotografia de su callalleddu Sèneca, chi ddi praxit a fai passilladas bellas in su sartu. Ddi praxit a abarrai cun sa genti e cun àterus canis, est bonixeddu e unu pagheddu pasteri. Est unu cani firmu ma sinsìbili, chi imparat de pressi e chi iat a bolli unu meri sportivu e chi est sèmpiri fadendi.
Bolis connòsciri a Sèneca e a is àterus canis chi s’agatant in su canili?Abbisita su giassu in lìnia www.baibau.it e scoberri cumenti fai a atobiai s’amigu tuu a cuatru peis.
Adotendi unu cani as a tènniri deretu a cincu atòbius cun unu educadori e finas a sa microcipadura e a is vacinus a indonu.
