"Boxis de su Mediterràneu" est sa publicatzioni noba de su programma ENI CBC MED(immoi Interreg NEXT MED po su tempus 2021-2027), chi contat stòrias de genti chi at amellorau sa vida sua gràtzias a s'agiudu de s'Unioni Europea.
S'ìsula nosta e totu s'àrea de su Mediterràneu, depint afrontai situatzionis traballosas in s'àmbitu de s'àcua, de s'energia e de sa produtzioni de cosa de papai, fintzas po mori de su cambiamentu climàticu.
Custa publicatzioni si narat de genti chi est lòmpia a arresultaus bellus meda gràtzias a sa gana de fai sa diferèntzia; is àmbitus ancà ant traballau sunt cussus de is resursas de àcua, de s'energia noba, de su manìgiu de s'àliga, de s'amparu de su patrimòniu culturali.
Is istòrias duncas chi agataus in "Boxis de su Mediterràneu" s'ammostant unu arrogu de sa vida de ònnia dìì de genti agualis a nosu: piscadoris, imprendidoris giòvunus, e spertus de su setori sotziali chi gràtzias a s'agiudu de su programma ENI CBC MED, nci sunt arrannèscius a binci is istrobbus e a ndi pesai o ammanniai s'atividadi insoru. A lompi a custu arresultau at agiudau finas sa Regioni Sardigna, chi in su rolu de Autoridadi de Gestioni de su Programma, at cordinau is initziativas chi ant permìtiu de lòmpiri a custus arresultaus.
