Su Tzentru Servìtzius Culturalis UNLA de Aristanis, paris cun “Danze di comunità” cuncordant custa cenàbura, 24 de maju, a sa ora de is 5 de merii, in sa sala de su Tzentru de sa bia de Carpaccio, un'atòbiu “Musiche e danze di guarigione: la Pizzica pizzica e 'Su ballu de s'àrgia'”.
In s'atòbiu ant a pigai parti is espertus Pietro Balsamo (baddadori, cantori, musicista, circadori e priori de s'arcicunfraria de Santu Bernardinu de Siena di Franzavilla Fontana), Marco Lutzu (circadori de etnomusicologia in s'Universidadi de is Stùdius de Casteddu innui imparat a is studiantis Etmusicologia de sa Sardigna e Mùsica e poesia de traditzioni orali in Sardigna), Marcello Marras, laureau is Antropologia culturali, diretori de su Tzentru Servìtzius Culturalis UNLA de Aristanis e unus cantu annus at imparau a is studiantis Etnocoreografia de sa Sardigna e Laboratòriu e stùdiu de sa mùsica sarda in su cursu de làurea triennali in su Conservatòriu Statali de Mùsica “G.P. Da Palestrina” de Casteddu.
Ant a arraxonai de ritualidadis chi tenint de biri cun is mùsicas e baddus chi si faint po sanai in Pùglia e is Sardigna, acostendi apari is duas regionis po ndi scerai piessinnus sìmbilis e diferentis.
