S'Assòtziu “Contramilonga” at bandiu su prèmiu natzionali Literàriu “La vuxe di Cadesèdda. In ricordo di Bruno Rombi” deretu a scridoris e poetas de totu is natzionalidadis.
Su prèmiu est partziu in tres setzionis e su tema est lìberu:
-
Poesia e contus in lìngua italiana
-
poesia e contus in lìngua tabarchina
-
poesia e contus giai imprentaus
Is traballus tocat de nci ddus mandai a sa segreteria aintru de su 19 de maju de su 2024.
Sa data po procramai is bincidoris est fissada me in is primu dexi diis de su mesi de austu in su Comunu de Cadesèdda in ocasioni de sa de 13 editzionis de su festival culturali “LiberEvento”.
Po ndi sciri de prus bai a su giassu www.liberevento.it o scriri a premiobrunorombi@gmail.com o sinuncas si podit telefonai a su nùmeru 3297135426.
