Pro sa cumbata de s’emergèntzia pro more de sa difusione de su virus de sa Callentura de su Nilu (Febbre del Nilo), sa Provìntzia de Aristanis at aumentadu su servìtziu de disinfestatzione aumentende s’atividade, chi giai dae meses est faghende sentza si firmare cun sas unidades operativas suas, cun interventos chi ant a èssere fatos dae una sotziedade esterna ispetzializada.
Su calèndàriu est agiornadu de sighidu.
SÀBADU 24 DE CABUDANNI 2022
- Disinfestatzione in su Comune de Nurachi (dae sas 4.30 a sas 7.00de mangianu): in sa bidda e acanta de sa bidda;
CHENÀBURA 23 DE CABUDANNI 2022
- Disinfestatzione in su Comune de Arriora (dae 00.00 a sas 4.00 de mangianu): in sa bidda e acanta de sa bidda;
- Disinfestatzione in su Comune de Boàtiri (dae sas 4.00 a sas 7.00 de mangianu): ): in sa bidda e acanta de sa bidda.
Sa disinfestatzione contras de sos bobbois cun alas ant a èssere fata dae sas 3,30 fintzas a sas 6,30 de mangianu.
In su tempus chi durat su tratamentu tocat a dare atentu chi: sas ghennas e sas ventanas siant serradas, non si andet in giru in su mentres chi sunt betende sa meighina, sos animale domèsticos piticos siant in logu amparadu dae sa meighina, in foras non bi siat roba isparta e cosas chi impreant pipios e mannos, sa fruta e sa berdura impestada de meighina non siat papada a su nessi pro 6 dies.
Sa Provìntzia faghet s’atividade sua de preventzione in sos giassos pùblicos ma bortas meda sos focolàios sunt in giassos privados e sunt de importu mannu pro sas infestatziones.
Duncas, fintzas sos tzitadinos si depent cumportare a manera adeguada e giusta pro otènnere sos resurtados mègius pro controllare sa tzìntzula:
- evitare de lassare istèrgios in ue potzat abarrare abba (bidones, cartzigas, latinas, botos de cale si siat genia e mannària);
- isboidare luego sos istèrgios cun abba chi bi podent èssere in ortos, giardinos e, si non faghet a ddos isboidare, tocat a ddos ammuntare;
- sos cortiles e sos giassos abertos depent èssere illetzidos dae s’erba e dae s’àliga de ogni gènere; sas grundas depent èssere netas manera chi cando proet s’abba no abarret firma,
- isboidare piscinas chi non sunt impreadas e funtanas o si ddue depet betare meighina adata.
(MM)
