Sa Càmera de Cummèrtziu de Casteddu-Aristanis fait a sciri ca at trantziu a su 13 de cabudanni de su 2024 sa dii ùrtima po intregai is dimandas po podi pigai parti a sa rassinna enogastronòmica “Le Isole del Gusto”.
Si arregordat ca sa rassinna si proponit de valorizai is produtzionis localis e a favoressi su turismu enogastronòmicu cun sa punna de ammanniai is consumus de is produtus localis e sa connoscèntzia de su paesàgiu. de sa stòria e de s'enogastronomia de su territòriu chi fait parti de sa Càmera de Cummèrtziu de Casteddu-Aristanis.
Sa rassinna s'at a fai movendi de su 5 de su mesi de ladàmini e at a acabbai su 3 de onnisanti de su 2024.
Ndi podint pigai parti 40 impresas chi:
- tenint sea in su territòriu de sa Càmera de Cummèrtziu de Casteddu-Aristanis,
- funt iscritas in sa Càmera de Cummèrtziu e abilitadas a donai cosa de papai e bufai (es. ristorantis, agriturismus e sighendi),
- funt in arrègula cun su pagamentu de su deretu annuali.
Po podi pigai parti a sa rassinna non si pagat nudda.
Sa dimanda si podit mandai siat a posta eletrònica ordinària e siat a P.E.C.
Po ndi sciri de prus bai a su giassu de sa Càmera de Cummèrtziu de Casteddu-Aristanis.
