Sa Càmera de Cummèrtziu de Casteddu-Aristanis fait a sciri ca at publicau s'avisu po podi pigai parti a sa rassinna enogastronòmica “Le Isole del Gusto”.
Sa rassinna si proponit de valorizai is produtzionis localis e a favoressi su turismu enogastronòmicu cun sa punna de ammanniai is consumus de is produtus localis e sa connoscèntzia de su paesàgiu. de sa stòria e de s'enogastronomia de su territòriu chi fait parti de sa Càmera de Cummèrtziu de Casteddu-Aristanis.
Sa rassinna s'at a fai movendi de su 5 de su mesi de ladàmini e at a acabbai su 3 de onnisanti de su 2024.
Podint pigai parti a sa rassinna 40 impresas chi:
- tenint sea in su territòriu de sa Càmera de Cummèrtziu de Casteddu-Aristanis,
- funt iscritas in sa Càmera de Cummèrtziu e abilitadas a donai cosa de papai e bufai (es. ristorantis, agriturismus e sighendi),
- funt in arrègula cun su pagamentu de su deretu annuali.
Is dimandas de adesioni si depint sterri impreendi su mollu aposta e tocat a nci ddas mandai sena de sartai su 23 de austu de su 2024 a posta eletrònica certificada.
Po podi pigai parti a sa rassinna non si pagat nudda.
Po ndi sciri de prus bai a su giassu de sa Càmera de Cummèrtziu de Casteddu-Aristanis
