S'Assòtziu “Premio Ozieri di Letteratura Sarda” est circhendi de arragolli totu is traballus, chi podint essi lìburus, fotografias, filmaus ma finas scrituras a manu e àteru, chi pertocant a poetas e scritoris de Sardigna, cun sa punna de lassai custu patrimòniu a studiosus e amantiosus de oi e de cras po podi sighiri custa òpera.
Fait apellu finas a cussus poetas chi, finas a su 1980, ant mandau traballus a forma anònima o cun nomìngiu, ma finas a cussa genti chi sciit nòmini e sangunau insoru.
Po custa arraxoni podint scriri a info@premiozieri.it o finas andai a sa setzioni “contatti” de su giassu www.premiozieri.it o scriri a Centru de Documentatzioni de sa Lideradura Sarda, bia de Amsicora, 3 – 07014 Otieri (SS).
