Funt circhendi genti po pigai parti a sa sèrie televisiva RAI, ambientada me in is annus ‘80, a tìtulu “Portobello” po sa regia de Marco Bellocchio, produtzioni de “Our Films Spa” e “Kavac Film Srl” chi s’at a girai po su prus in Sardigna.
Sa circa si fait sceti in Sardigna e serbit genti meda de seberai, carculendi ca nci ant a bolli a sa dii unu centu figuratzionis (genèricus) e àteras figuratzionis specialis.
Is ripresas s’ant a fai in Casteddu movendi de su 14 e finas a su 21 de su mesi de ladàmini, in Aristanis movendi de su 22 a su 30 de su mesi de ladàmini e in Tàtari movendi de su 31 de su mesi de ladàmini a su 7 de onniasanti.
Funt circhendi:
- òminis chi ant a bistiri a divisa de agentis, movendi de s’edadi de 25 e finas a is 70 annus, cun mesura de bistiri movendi de su 46 finas a su 52;
- òminis, movendi de s’edadi de 25 finas a 70 annus, serbitia sciri sa mesura de su bistiri;
- òminis, movendi de s’edadi de 20 finas a 45 annus, a pilus longus e mellus chi siant làngius (po sa zona de Aristanis);
- òmini musicista chi sonat su sonetu a buca (po sa zona de Tàtari);
- òmini musicista chi sonat sa ghitera;
- òminis barbieris, chi ddu siant po deaberus;
- òminis e fèminas chi fatzant a atori, finas non professionistas;
- òminis e fèminas, movendi de s’edadi de 18 a 65 annus bistius de mari (po sa zona de Casteddu);
- pipius e pipias movendi de s’edadi de 6 a 10 annus (po is zonas de Casteddu e Aristanis).
Po si candidai tocat a mandai sa rechesta a posta eletrònica a s’indiritzu castingsardegnaportobello@gmail.com, cun fotografias bellas e craras, fatas de pagu, a sfundu a unu colori sceti, duas de acanta e una totu sa personi, scriendi nòmini, sangunau,logu de residèntzia, nùmeru de cellulari, edadi, artesa, pesu, mesura de giaca, cartzonis, camisa, carpitas e po cali tzitadi unu seberat po fai is ripresas.
In s’ogetu de sa mail tocat a scriri Portobello+ tzitadi.
