Su Comuni de Aristanis at publicau s'avisu po sa campànnia de sterilizatzioni de canis e pisitus “Progetto lotta al randagismo”.
Is destinatàrius de su progetu funt is tzitadinus chi tenint sa residèntzia in Aristanis, chi funt meris de canis e pisitus microcipaus e iscritus a sa Banca Datus de s'Anàgrafi de is Canis, cun rèditu ISEE chi non sartat is 20.000,00 èurus.
S'est postu in contu de donai unu contributu de € 200,00 e non prus po sterilizai canis fèminas e € 100,00 e non prus po sterilizai canis mascus e pisitus.
Is dimandas si depint fai impreendi su mollu aposta e depint arribai aintru de su 6 de austu a posta eletrònica ordinària o certificada o inderetura a manu, aunendi-nci còpia de documentu de riconnoscimentu bàlidu de su meri, s'inditu de su nùmeru de microcipadura de s'animali, còpia de atestau ISEE.
De totu is dimandas arribadas s'at a sterri graduatòria aposta.
Po ndi sciri de prus bai a su giassu de su Comuni de Aristanis.
