Su Comuni de Aristanis e sa Fundatzioni “Oristano” ant cuncordau su cunvènniu “Dal dato alla destinazione: scenari futuri per il turismo del territorio”.
S'atòbiu s'at a fai in sa domu comunali in pratza Eleonora, in sa Sala de is Evangelistas a is 9 oras e mesu de mangianu.
Movendi de is datus de is presèntzias turìsticas in tzitadi s'at a circai de cumprendi comenti a incarrelai is seberus in su campu turìsticu po agiudai su svilupu de sa tzitadi e de su territòriu.
Su cunvènniu at a aberri cun is saludus istitutzionalis e, a sighiri, ant a chistionai is reladoris: Pierangelo Orofino (de sa Regioni), Giulia Contu (Presidenti de su Comitau Turismu de sa Fundatzioni “Oristano” - Universidadi de Casteddu), Maurizio Romano e Marco Ortu (Universidadi de Casteddu).
A su cunvènniu, ndi at a pigai parti finas Paolo Manca, Presidenti de Federalberghi Sardigna. Is traballus ddus at a assentai su giornalista de s'Unioni Sarda Michele Masala.
