Su Comuni de Aristanis at dispostu de serrai su ponti chi si podit undai de Silì, tenendi contu de s'avèrtia groga po arriscu idràulicu e idrogeològicu chi at spaniau sa Protetzioni Tzivili e bàlidu finas a sa dii de oi.
S'est pigada custa mesura po seguresa finas a acabbai s'apretu po nexi de is conditzionis malas de su tempus, essendi-ddoi s'arriscu idràulicu a baddi artziau a livellu de avèrtia e po essi ampuau su livellu de su frùmini Tirsu chi iat a podi scassai me in sa parti bàscia.