Custu sàbudu in Crabas nci at a essi sa presentada de su cursu de recitatzioni teatrali e cinematogràfica chi at a serbiri a favoressi e a apurai cantu genti est interessada a pigai parti a su progetu.
Sa sala auditòrium de su tzentru polivalendi at a acòlliri sa scola e is rapresentatzionis teatralis, ma finas cussas de baddu, danza e cuncertus.
S’atòbiu, chi s’at a fai su 9 a is 5 de merii in su Tzentru Polivalendi de sa bia de Tharros, ddu at a fai Simone Latini, atori e regista nodiu foras de s’Itàlia puru, diretori de sa Scola de Arti Drammàtica de Casteddu, est protagonista de sa sèrie televisiva “Fuoco Amico TF45” cun Roul Bova, de “L’Isola di Pietro”, de “The Eye of the Beholder”, ma finas de reclamus publicitàrius in televisioni.
Donant una manu de agiudu a Simone Latini is atoris Sara Balestrieri, Stefano Cancellu e Erika Carta.
S’atòbiu est a indonu e est abertu a totus is chi tenint crosidadi e interessu de su mundu de s’arti teatrali, movendi de s’edadi de 12 annus.
In s’ocasioni s’ant a donai novas in prus de comenti at a essi su cursu
