Su Comunu de Crabas at publicau s'avisu pùblicu po assinnai in cuncessioni 4 postègius temporàneus de duus annus, po is stasonis 2024 e 2025, po atividadi de cummèrciu in su solu pùblicu.
Is postègius s'agatant, a cada duas, in àreas a usu cìvicu a Mari Mortu e a Is Arutas. Is cuncessionis si scerant intra de atividadi po bendi cosa de papai e de bufai e cussa po àterus servìtzius, ma si carculat in antis su setori chi no est po bendi cosa de papai e bufai.
S'atividadi tocat a dda fai aintru de dii intra de is 10 de mangianu e is 9 oras de merii.
Po pigai parti a su bandu tocat a essi dita individuali o sotziedadi costituida a manera regulari e ativa.
Sa dimanda si depit sterri a paperi cun bullu de € 16 e firmada comenti si depit. A custa tocat de ddi auniri fotocòpia de documentu de identidadi bàlidu e po is autobar, còpia de is certificatzionis de is impiantus chi portat.
Sa dimanda tocat de nci dda mandai a su Comunu de Crabas a arracumandada A/R, sinuncas fait a nci dda portai a manu o a nci dda mandai a posta eletrònica certificada e at a depi arribai aintru de is 10 e mesu de mangianu de sa dii 6 de su mesi de làmpadas de su 2024.
Su comunu s'at a incurai de sterri graduatòria aposta chi at a publicai in su giassu istitutzionali.
Po ndi sciri de prus ligi su bandu intreu in su giassu de su Comunu de Crabas.
