S'Amministratzioni comunali de Crabas, paris cun ANTEAS e sa Federatzioni Regionali Pensionaus CISL ant cuncordau duas giorronadas de spricullu sanitàriu ecogràficu po sa preventzioni de unas cantu patologias.
Su 3 e su 10 de abrili, de is 9 oras de mangianu e finas a is mesudii e mesu, s'ant a podi fai cumpudus a sa tiròidi, sa primu dii, e a su figau e a sa busciuca de su feli, sa segunda dii.
Ndi ant a podi pigai parti totu cussus chi non funt in cura po is patologias de is òrganus in chistioni. S'ant a fai 80 ecografias po sa tiròidi e 60 po su figau e sa busciuca de feli, prenotendi a su nùmeru 3923867060 de is 9 oras a is 11 de mangianu.
Acontessendi de abarrai logu s'ant a assinnai is postus de sa ora de is 8 e mesu de mangianu me in is diis de bìsita e segundu s'òrdini de arribu. Is bìsitas ddas ant a fai dotoris specializaus de s'Assòtziu Mèigus de sa Preventzioni.
