Su Comunu de Crabas at publicau su mòdulu po chini at a bolli fai rechesta de pròrroga po is atividadis chi si podint fai in s'Àrea Marina Proteta.
Po dda lograi tocat a tenni is rechisius chi autorizant e tocat a fai su pagamentu de su tanti chi si depit.
Is titularis de autorizatzioni 2023, scadida su 31.12.2023, podint fai rechesta de pròrroga, a partiri de sa dii 29 de abrili, po fai fainas de circa scientìfica, ripresas fotogràficas, cinematogràficas e televisivas, trasportu de genti e bìsitas ghiadas, nolègiu e pesoni de unidadis de diportu, aici etotu podint fai rechesta de pròrroga po castiai cetàceus, po fai pisca sportiva e de recreu, po fai fainas didàticas e de divulgatzioni naturalìstica e po eventus sportivus, de giogu e recreu.
S'autorizatzioni at a balli finas a su 31.12.2024.
Is mòdulus s'ant a podi intregai a manu a s'Ufìtziu Protocollu o mandai a posta eletrònica certificada a s'indiritzu protocollo@pec.comune.cabras.or.it o a posta eletrònica ordinària a s'indiritzu protocollo@comune.cabras.or.it.
