Su Comunu de Ossi, impari a sa Pro Loco de Ossi, at cuncordau sa de 36 editzionis de su Prèmiu de poesia “Comuna de Ossi”.
Su Prèmiu est partziu in duas setzionis:
- Prèmiu”Antonandria Cucca” 2024, cuncursu de poesia “a bolu” po poetas improvisadoris, intra de is prus mannus de Sardigna, chi ant a fai sa gara in su mesi de austu.
- Prèmiu “Pedru Muresu” 2024, cuncursu de poesia sarda po poetas “a taulinu”. In custa setzioni podint pigai parti totu is poetas sardus e finas cussus chi funt foras, cun traballus in lìngua sarda in cali si siat variedadi fueddada in Sardigna, impari a s'aligheresu e a su tabarchinu.
Is traballus funt a tema a praxeri in rima o sena de rima sena de sartai is 50 rimas. Est agradèssia sa bortadura in lìngua italiana.
Is traballus depint essi de primu bessida e mai premiaus.
Is iscritus tocat a nci ddus mandai a posta aintru de su 30 de su mesi de làmpadas de su 2024 a su Comunu de Ossi, bia de Roma, 48. at a balli su timbru postali. Sinuncas fait finas a nci ddus mandai a posta eletrònica a alessandracherchi@comuneossi.it.
Po podi pigai parti a su cuncursu non si pagat nudda, nimancu s'iscritzioni.
Sa premiatzioni de su Cuncursu s'at a fai in Ossi su 26 de Santuaini in su Cìnema Casablanca a is 5 de merii.
Su primu crassificau at a arriciri unu prèmiu de € 300,00 e àterus prèmius s'ant a donai a is àterus crassificaus o a is chi sinnalant po ddu minesci.
Po ndi sciri de prus tocat a ligi su regulamentu intreu chi est in su giassu istitutzionali de su Comunu de Ossi, sinuncas fait a telefonai a su nùmeru 079 3403123 o mandai una punta de billetu a alessandracherchi@comuneossi.it.
