Sa Provìntzia de Aristanis at publicadu su bandu pro sos contributos a favore de tzitadinos privados chi cherent fàghere interventos de bonìfica dae s’amiantu, in sos immòbiles pròpios, chi sunt in su territòriu de sa Provìntzia de Aristanis. Su dinare a disponimentu de s’Amministratzione Provintziale de Aristanis est € 430.846,00 de su finantziamentu de su 2021 chi si annanghent a sas economias de sas annualidades in antis postas in Avantzu Vinculadu, pro unu totale de € 2.105.603,90 e a custos s’ant annànghere sas economias chi b’ant a èssere a cumpetèntzia de s’annu chi est currende.
S’istàntzia de finantziamentu depet èssere cumpilada in totu sas partes suas in sa piataforma on-line de sa Provìntzia de Aristanis, dae su sugetu chi pedit su contributu o, in alternativa, dae unu tècnicu dae issu incarrigadu e depet èssere trasmitida a intro de su 31/01/2023. A su portale si podet intrare ebbia cun SPID e CIE.
Su link pro intrare in sa piataforma est: Istanze contributo Bando Amianto
(MM)
