Ant incingiau ariseu su tzentru servìtzius nou in Santu Srabadori, pesau finas gràtzias a s'agiudu de sa Fundatzioni “Mont' e Prama”.
Sa domu comunali, in passau donada a su comitau de sa festa de Santu Srabadori, allogat sa strutura de sa domu tìpica de su novenàriu e s'agatat a manu dereta de de bia intrendi a nord a sa bidda.
Sa strutura òspidat pannellus ammostadoris me in is passadissus, chi agiudant a is abisitadoris de sciri beni anca funt e a connosci mellus s'orìgini e sa stòria de Santu Srabadori, in prus ddui at schermus chi ammostant vìdeus, giogus e biaxis virtualis a sa scoberta de s'ipogeu, de sa bidda, de Tharros e de Santuanni.
Su fràigu s'at a fruniri de Ufìtziu informus, Tzentru documentatzioni parcu archeològicu de su Sinis, Tzentru documentatzioni Santu Srabadori e Ipogeu, Àrea filmogràfica, Servìtzius igènicus, Àrea eventus e pausu, in prus totu su logu a foras s'at a podi impreai po cuncordai eventus.
