Sa Fundatzioni “Mont’e Prama” e sa Fundatzioni “Nivola” ant cuncordau s’ammosta dedicada a su raportu de s’arti de Costantino Nivola cun sa Preistòria de Sardigna.
S’ammosta est cuncordada in su matessi tempus in duas seas, su Museu de Nivola de Orane e su Museu tzìvicu “Giovanni Marongiu” de Crabas. Ddui ant traballau po s’arrennèscia sua Giuliana Altea e Antonella Camarda, stòricas de arti, Luca Cheri e Anna Depalmas, archeòlogus preistòricus, e Carl Stein, architetu e collaboradori de Nivola.
Is interessaus podint andai a biri s’ammosta in Crabas, in sa sala polifuntzionali de su Museu tzìvicu movendi de su 30 de onniasantu finas a su 23 de martzu de su 2025.
