S'8 de cabudanni su Comunu de Crabas e s'Àrea Marina Proteta de su Sinis ant cuncordau una giorronada ecològica de su Sinis.
Apustis de ndi ai assoddiu s'àliga de sa pratza de su stani, de is plajas de Maimoni, S'Archeddu 'e sa canna, Corrighias e de Is Arutas, tocat immui a s'ìsula de Maluentu.
A chini bolit pigai parti depit fai iscritzioni e cumpilai su formau chi s'agatat in s'indiritzu https://forms.gle/.
Sa prataforma at a funtzionai movendi de is 3 de meigama de su 28 de austu e s'at a podi iscriri aintru de is 2 de meigama de su 5 de cabudanni. Totu is iscritus ant a teni novas apitzus de su trasportu a barca a s'Ìsula. Po podi pigai parti a sa giorronada ecològica non si pagat nudda, ma is postus a disponimentu funt contaus, ant a essi 120.
