Sa Biblioteca comunali de Crabas at torrau a cuncordai ocannu puru sa rassinna literària de atòngiu “Istantanee d’autore” partzida in cuàturu atòbius cun is autoris chi s’ant a fai in biblioteca:
- sàbudu 21 de cabudanni a sa ora de is 6 de merii, Paolo Pinna Parpaglia at a fai connosci su romanzu suu “il mistero di Tavolara” Ed. Newton Comton e ndi at a chistionai impari a Santina Raschiotti;
- sàbudu 19 de su mesi de ladàmini a sa ora de is 6 de merii, Milena Agus at a chistionai cun Sabrina Sanna de su lìburu suu “Notte di vento che passa” Ed. Mondadori;
- martis 12 de onniasanti a sa ora de is 6 de merii, Piergiorgio Pulixi s’at a fai sa presentada de su lìburu suu “La donna nel pozzo” Ed. Feltrinelli e ndi at a chistionai impari a Jimmy Spiga;
- cenàbura 6 de su mesi de idas a sa ora de is 6 de merii, ùrtimu atòbiu cun su lìburu de Daniele Congiu “Erano gli anni” Ed. Arcadia, ndi at a arraxonai cun s’autori Sabrina Sanna.
Cun custa rassina literària si bolit fai acurtzai a sa populatzioni a sa cultura incorendi-dda a ligi proponendi-ddi custas òperas de is autoris de su panorama literàriu sardu.
