Sa scola cìvica intercomunali “Più Musica” (chi ndi faint parti Crabas, Arriora, Boàtiri e Siapicia) fait a sciri ca at abertu is tèrminis po intregai dimanda de iscritzioni po s’annu scolàsticu 2024-2025.
Is letzionis s’ant a fai me in is domus de su Tzentru Sotziali de Solanas.
Is cursus chi proponit funt cussus de pianuforti, pianuforti jazz, launeddas, ghiterra clàssica, ghiterra moderna, ghiterra jazz, ghiterra traditzionali, bassu elètricu, flàutu, clarinetu, bateria/percussionis, sassòfonu, trumba, fisarmònica, organetu, tastieras, fosarmònica traditzionali, cuntrabassu, violinu, cantu clàssicu, cantu modernu, informàtica musicali, informàtica musicali aplicada a is tastieras e synt, propedèutica.
A cadaunu cursu s’at a podi sceberai su livellu de stùdiu.
Is fainas didàticas ant a inghizai in su mesi de onniasanti.
Is iscritzionis si podint fai finas a is 11:59 de noti de su 6 de su mesi de ladàmini, impreendi sceti su sportellu telemàticu polifuntzionali de su Comunu de Crabas chi funtzionat a SPID.
Po ndi sciri de prus bai a su giassu istitutzionali de su Comunu de Crabas
