Cenàbura 20 de cabudanni, in sa domu de is Pillonis in Crucuris, nci at a ai un’àtera atobiada de su Festival Comunitàriu.
A is 6 e mesu de merii nci at a essi sa cunferèntzia-dibata “Autarchia verde – Ambiente, agricoltura e green economy tra istanze di conservazione e rinnovamento”, a pitzus de s’ambienti, de sa messaria e de modellus de svilupu chi punnant a amenguai s’impatu ambientali e a fai stai mellus s’òmini.
At a chistionai Marino Ruzzenenti, autori de su lìburu “Ecologia e autarchia. Cento anni di genio italiano per la transizione ecologica” (Libreria editrice fiorentina, Firenze, 2023).
At a arraxonai cun issu, Luigi Manias, diretori de s’archiviu culturali “Ape Buridana”.
