Sa Pro Loco de Crucuris cun su patrocìniu de su Comunu de Crucuris cuncordat, domigu 12 de maju de su 2024, sa de XXIII Giorronadas Ecològicas.
Su programma ponit in contu a is 9 oras su boddeu de is iscritus in “Sa Panchixedda”, innui ant a arriciri tascapani e bussa de cotoni, a is 9 oras e cuartu ant a movi, caminendi me in is logus acanta, po ndi assoddiri de terra totu s'àliga.
Totu s'àliga aboddida dda ant a sceberai e poni me in is stèrgius aposta, pronta po nci dda portai a su tzentru ecològicu.
A sa 1 de meigama nci at a essi su pràngiu in sa localidadi “Is Suèrgius”.
Po s'ocasioni est mellus a si bistiri beni: a crapitas de seguresa cun sola chi non si stampat, a cratzonis longus, guantus de peddi e a camisa a mànigas longas.
Is adesionis si depint fai aintru de martis 8 de maju, me in is butegas alimentaris e bar/stangu de sa bidda, a is chi bolint pigai parti a su pràngiu depint pagai sa cuota chi si depit.