Ant prorrogau a su 5 de su mesi de argiolas s'intregu de is fotografias po pigai parti a su cuncursu – ammosta de fotografias de su Festival Comunitàriu 2024 “TRADIZIONEeINNOVAZIONE”.
Su cuncursu est abertu a is chi ant giai fatu is 18 annus de edadi mancai non tèngiant sa residèntzia in Crucuris.
S'ant a podi mandai a su prus duas fotografias, impreendi sa prataforma digitali a s'indiritzu https://festivalcomunitariocurcuris.com aintru de is 11:59 de noti de sa dii 5 de su mesi de argiolas de su 2024.
Po ndi sciri de prus bai a su giassu de su Comunu de Crucuris.
