Provincia di Oristano - sito web ufficiale

PROVÌNTZIA DE ARISTANIS

Setore Edilìtzia e Istrutzione

Determinatzione Dirigentziale n. 446 de su 16/06/2022

PRESENTATZIONE DOMANDAS PRO SA CUNTZESSIONE IN USU DE SOS IMPIANTOS ISPORTIVOS ISCOLÀSTICOS PRO S’ISTAJONE 2022/2023.

AVISU

Cunsiderada sa ripresa graduale a pustis de s’emergèntzia - COVID19, sa Provìntzia cheret definire su bandu de gara pro sa cuntzessione de sos impiantos isportivos, pretzisende ca sas assignatziones diant pòdere non èssere fata o èssere suspèndidas in funtzione de s'evolutzione de sa situatzione sanitària e de sos disponimentos chi ant a cuncordare sas Autoridades prepostas.

Sas domandas pro s’impreu de sos impiantos isportivos, annu iscolàsticu 2022-2023, depent arribare a intro de su 19/07/2022, mandadas cun sa PEC a : provincia.oristano@cert.legalmail.it o in paperi, a manos o cun racumandada (at a bàlere su timbru postale), a su protocollu de sa Provìntzia, carrera Carboni, Aristanis.

Sa domandas arribadas a intro de s’iscadèntzia, si podent èssere atzetadas, ant a èssere esaminadas pro  redatzionare sos calendàrios de impreu. A pustis de custa data s’ant a pòdere atzetare àteras domandas chi ant a èssere leadas in consideru ebbia a pustis de àere postu in calendàriu sas domandas arribadas a intro de s’iscadèntzia posta in su bandu.

Sas istruturas podent èssere dadas in cuntzessione a sas Sotziedades o Grupos costituidos a manera regulare e iscritos a su C.O.N.I. (Federatziones isportivas e Entes de Promotzione), sos assòtzios chi mèritant e chi s’atividade issoro tenet finalidades isportivas, culturales, de voluntariadu e sotziales.

Sos chi tenent sa cuntzessione de òbligu depent espressare a su nessi duos sèberos, cun unu chi depet èssere prioritàriu.

Est esclùdida sa cuntzessione de s’impreu, a prètziu favorèssidu, de sos impiantos isportivos a sugetos chi pro sa natura giurìdica e operativa issoro tenent finalidades de lucru e est proibida ogni forma de suta cuntzessione fintzas gratùita.

In su situ istitutzionale www.provincia.or.it  sunt a disponimentu:

• su “Regulamentu pro s’impreu e gestione de sos impiantos isportivos de sos istitutos iscolàsticos”, aprovadu dae s’Amministradore Istraordinàriu cun sas deliberatziones n.7 de su 15/07/2015 e n.38 de su 21/10/2015,
• sa determinatzione de aprovatzione de custu avisu e
• sos mòdulos pro sa domanda de sos impiantos isportivos iscolàsticos.

Sa cuntzessione de sos impiantos isportivos ponet in contu su pagamentu de una tarifa a s’ora aprovada dae sa Giunta Provintziale cun deliberatzione n. 106 de su 17/09/2013 e s’istìpula de pòlitza de asseguratzione pro esonerare sa Provìntzia dae ogni responsabilidade chi pertocat sos dannos a persones (tesserados o pùblicu) o cosas dèpidos a s'usu pròpiu o impròpriu de s’istrutura in cuntzessione.

In casu peoret s’emergèntzia “COVID-19”, sos rapresentantes legales de sos chi faghent domanda ant a dèpere integrare sa documentatzione presentada cun una decraratzione autògrafa in ue s’impignant a:

1. impreare s’istrutura rispetende a manera cuidadosa sos inditos sanitàrios pretzisos e de distantziamentu sotziale istabilidos dae su Ministeru de sa Salude e dae sas autoridades Natzionales e Territoriales cumpetentes;
2. impreare s’istrutura rispetende a manera cuidadosa sos disponimentos e inditos emìtidos dae sas Federatziones o Organismos isportivos de riferimentu;
3. si nd’ocupare a manera autònoma e a ispesas pròpias de s’igienizatzione e/o sanificatzione chi si depet fàghere de su materiale isportivu ogni die e de sas istruturas impreada, cunsideradu ca sas matessi ddas impreant sas istitutziones iscolàsticas;
4. tzertificare ogni mese cun sa PEC a sa Provìntzia ca s’istrutura in cuntzessione est istada igienizada e pulida, in sa comunicatzione ant a èssere indicadas sas operatziones de pulidura e igienizatzione fatas e sos produtos igienizantes impreados.
5. organizare sas atividade rispetende sos disponimentos chi in casu ant a èssere emanados in funtzione de s'evolutzione de sa situatzione de emergèntzia.

Pro chie no at a acumprire sos disponimentos in vigore at a  decadire su diritu a sa cuntzessione.

In sa tabella s’agatant sos cànones oràrios pro s’impreu de sos impiantos isportivos e sa cuota prus arta chi depet èssere garantida cun pòlitza assegurativa.

Dae atentu: Pro como sos oràrios de disponibilidade de sas palestras sunt indicativos e diant pòdere èssere cambiados.

Cun s’istrutòria de sas domandas, non s’ant atzetare sas domandas de sas sotziedades chi non ant ancora chitidu sos pagamentos de sas cuntzessiones fatas a in antis.

Sas informatziones si podent pedire a su Setore Edilìtzia, senn. Enrico Masala a custu nùmeru de telèfono 0783 793360 e cun sa posta eletrònica palestre@Provìntzia.or.it .

                                                                                                                                             Su Dirigente

                                                                                                                                          Ing. Manai Marco

• Avisu pùblicu
• Determinatzione n. 446/2022
• Modellu domanda
• Regulamentu Impiantos isportivos iscolàsticu

(MM)