Si in italianu su mese a pustis de austu est settembre ca est su de sete meses de su calendàriu romànicu, in sardu est cabudanni, dae su latinu caput anni, cando s’annu incomintzaiat in s’atòngiu, in su tempus chi torraiant a incomintzare sos traballos de sos massajos (arare, semenare,…).
In cabudanni si faghiant sos cuntratos noos pro sas pasturas e pro su traballu e fintzas custu fiat a torrare a incomintzare un’àteru annu .
Su nùmene de custu mese, comente capudanni, dd’agatamus fintzas in sa Carta de Logu in sos inditos pro brusiare s’erba sica e dare atentu chi no iscapet su fogu.
(MM)