Su tzentru de documentatzioni de sa Sartilla a manu de pari cun s'Archìviu stòricu comunali cuncordat s'eventu "Cassa a sa fotografia", cun sa punna de fai connòsciri e avalorai su tzentru stòricu de Aristanis. Su giogu s'at a fai in ocasioni de sa noti bianca e shopping asuta a is isteddas.
“At a èssiri una cassa difarenti de is àteras; is chi pigant parti gràtzias a unus cantu particularis fotogràficus ant a dèpiri arriconnosci is logus prus caraterìsticus de sa tzitadi – acrarat s’Assessori a sa Cultura Luca Faedda -.
Sa scuadra chi at a acabbai su giogu in su tempus prus curtzu at a arriciri unu prèmiu.
S'atòbiu a su Tzentru de Documentatzioni e Stùdiu de sa Sartilla in sa bia de Eleonora 15, est martis su 27 de austu de is noioras a is ùndixi de noti.
Po acraramentus e po si scriri si podit telefonai a su nùmeru 0783030333 o scriri a s'indiritzu mail organizzazione@sartiglia.info
