Cun s’eletrificatzione de sa ferrovia in su tretu Casteddu-Aristanis at a megiorare sa calidade de su servìtziu e s’amparu de s’ambiente; sa Giunta regionale at deliberadu e s’Assessore regionale de sos Trasportos, Giorgio Todde, pretzisat cale ant a èssere sos profetos: trenos prus lestros, s’at a pònnere prus pagu tempus a intrare e a essire dae sas istatziones, su sonu de sos trenos at a èssere prus pagu meda e prus pagu at a èssere fintzas s’incuinamentu.
S’ant a fàghere traballos fintzas in àteros tretos de sa ferrovia sarda ma, postu in contu ca in su tretu Casteddu-Aristanis su nùmeru de sos chi biàgiant est artu e ca, fintzas a Santu Èngiu, b’est giai su dòpiu binàriu, sos traballos de eletrificatzione ant incomintzare dae custu tretu.
(MM)
