Chenàbura 7 de santugaine 2022 a sas 06.00 de sero
in sa Sala de su Tzentru Servìtzios Culturales UNLA de Aristanis
Presentada de su libru
Come le foglie d’autunno de Carlo Mannoni (SensoInverso Edizioni)
Nde faeddat cun s'Autore Maria Giovanna Campus
Su libru - "Come le foglie d'autunno" non est unu tìtulu de decadessimentu: a pustis chi sas fògias nche calant dae sos cambos, chi abarrant ispogiados, sas matas torrant a ogrire e in beranu sa vida torrat a nou. Sas fògias, cando calant dae sos cambos, parent mariposas coloradas in bolu. Ma est un’illusione e sas fògias mortas, in terra, sighint su destinu issoro: rapresentant su passare de su tempus e fintzas sos ammentos de sa vida nostra, acanta de ognunu de nois faghent unu tapete modde chi a bortas dd’impreamus comente corcadòrgiu in ue s’agradat a nos istentare. Fatu fatu cun garbu nde regollimus calicuna cun s’illusione de dda torrare torra in vida ma bastat un’àlidu de bentu chi nche ddas leat dae su cambu in ue ddas aìamus postas cun s’isperu de ddis dare una vida noa.
Carlo Mannoni, leva 1946, si est laureadu in giurisprudèntzia e dae su 1972 est in s’amministratzione regionale sarda in ue at tentu incàrrigos de importu comente dirigente e in ue est istadu fintzas amministradore. Pro unu perìodu at collaboradu cun unos cantos giornales culturales e polìticos online e, in custos ùrtimos annos, s’est dedicadu a s’iscritura chi est una passione sua. At publicadu pro Sensoinverso Edizioni sa regorta de contos “Come le foglie d’autunno. Dieci racconti +1”, e in antis “Il verso del gabbiano. L’ultima giornata del sindaco” (Lupi Editore) e a pustis “L’infinita contesa. La tormentata storia della tutela del colle di Tuvixeddu” (Alfa Editrice).
(MM)
