Su SENS Europe nasciat in su 2009 che parcuscènigu po grupus e musicistas chi cantaiant in is lìnguas de minoria in s’àrea alpinu-mediterrànea e oi est unu logu de atòbiu po is mellus artistas in is lìnguas minoritàrias.
Sonus duncas (“suns”, in friulanu), ma fintzas cìnema e testus literàrius chi espressant cun fueddus e mùsica identidadis chi nci sunt e aguantant.
SUNS Europe nascit in Udine, in Friuli, non a casu: innoi in is annus otanta nci fiat Radio Onde Furlane, chi trasmitiat mùsica e cultura imperendi feti sa lìngua friulana.
ARLeF, Agentzia regionali po sa lìngua friulana at crètiu de sèmpiri in custu progetu, fadendi.ddu diventai in pagu tempus unu eventu mannu a livellu europeu, logu de ideas, atòbius e ingèniu.
SUNS Europe assiniat annu po annu unu prèmiu a is mellus fainas artìsticas in is linguas europeas de minoria. Sa punna est cussa de ddas portai e ddas bivi in su mundu de oi che espressioni bia e alluta e non de folklore.
Po una Europa chi siat aunida in sa diversidadi.
