Fintzas sa Sardigna est istada apestada dae su bobboi ruju de sa parma (Rhyncophorus ferrugineus – Olivier 1790), unu bobboi chi est dannosu meda ca in pagu tempus sas parmas infestadas si nche sicant. Sa Provìntzia de Aristanis est istada interessada dae sa Regione Sardigna chi, fintzas a como, at chircadu de firmare sas infestaduras cun s’atuatzione de su Pianu de Atzione e de su Programma triennale pro irraighinare sas matas, cun capu-filera de su progetu sa Provìntzia de s’Ogiastra.
Sa Provìntzia de Aristanis faghet parte de sa Mesa Tècnicu fitosanitària regionale, chi – giai dae su 2014, at definidu unu programma de atividade chi ogni provìntzia depet atuare in su territòriu pròpiu cun sa punna de firmare, pro su chi si podet s’infestadura dae su bobboi ruju, ponende in manos s’organizatzione de sas atziones de preventzione a sa Provìntzia de s’Ogiastra.
Pro su chi est de cumpetèntzia sua, sa Provìntzia de Aristanis at dadu informatzione a sos tzitadinos, a sos amministradores locales e a totu sos chi òperant pro sa cura e s’amparu de sas matas, pro chi potzant cumprèndere mègius su problema e potzant luego luego comunicare si agatant infestaduras in su territòriu, siat in logos pùblicos siat logu privadu, e atuare sas atziones de su Pianu.
(MM)
