S’Ufìtziu linguìsticu de Tortolì at apariciau unu cuncursu de poesia in lìngua sarda “Tortolìricas: is bellesas de Tortolì… in poesia”, po is piciocheddus e piciocheddas de sa scola primària de Tortolì chi frecuentant is classis III, IV e V.
Su tema de is traballus depit èssiri sa bellesa artìstica, naturalìstica e archeològica de sa bidda de Tortolì. Is istudiantis podint pigai parti a solus e ònnia poesia depit inditai su tìtulu de su traballu, su nòmini de chini l'at scrita, de sa classi e de s'istitutu.
Ant a binci is primus tres traballus classificaus e che prèmiu ant a arriciri unu bonu spesa po comporai materiali didàticu.
Unu prèmiu a parti at a èssiri giau a sa poesia chi prus arrispetat is normas ortogràficas de scritura in sardu. Is poesias bincidoras ant a èssere pubblicadas in sa pàgina facebook de s’isportellu linguìsticu e, paris cun totu is àteras, in unu libureddu chi at a èssere donau a onniuna de is classis chi ant a pigai parti.
Is pipius e is pipias si podint fai agiudai in domu o in scola a scriri is poesias, ma depint èssiri capassus de ddas ligi, cumprendi o contai a memòria.
Tocat a mandai is traballus intra de su 15 de su mesi de onnisanti a s'indiritzu de posta eletrònica limbasarda@comuneditortoli.it
Is poesias ant a èssere giudicadas dae is operadores de su servìtziu linguìsticu.
Su regulamentu cumpletu s’agatat in su blog de s’ufìtziu lìngua sarda de Tortolì.
Su cuncursu fait parti de is initziativas prevìdidas in su progetu “Tortolì genna de s’Ogliastra”, finantziadu dae sa L.482/99 e L.R. 22/2018 (TuLis 2023) de sa Regione Autònoma de Sardigna
