Su Comunu de Dèsulu invitat a totucantus a pigai parti a su Prèmiu Literàriu de su Monti dedicau a su poeta barbarixinu Montanaru.
Su prèmiu est partziu in tres setzionis:
A – Poesia in lìngua sarda e variedadis linguìsticas de sa Regioni Sardigna (gadduresu, tataresu, tabarchinu, saligheresu)
B – Prosa in lìngua sarda e variedadis linguìsticas de sa Regioni Sardigna (gadduresu, tataresu, tabarchinu, saligheresu)
C – Sonetu in lìngua sarda in sa variedadi desulesa, sceti po desulesus o de orìgini desulesa.
Po pigai parti a su Prèmiu non si pagat nudda.
Si podit curri po prus de una setzioni bastit chi siat unu traballu a cadauna. Po sa setzioni de sa prosa est de òbrigu sa tradutzioni in italianu puru.
Is òperas, mai imprentadas o fatas connosci prima in àterus cuncursus, si depint mandai a sa Segreteria de su Prèmiu, in su Comunu de Dèsulu a posta ordinària o sinuncas a posta eletrònica a s'indiritzu p.montanaru@gmail.com aintru de su 30 de cabudanni de su 2024.
A chi at a arribai a is primu tres postus de ònnia setzioni at a arriciri prèmiu a dinai. Sa premiatzioni s'at a fai su 1 de onniasanti de su 2024.
Po ndi sciri de prus bai a su giassu istitutzionali de su Comunu de Dèsulu o a su giassu www.premiomantanaru.it
