Cenàbura 5 de abrili a sa ora de is 6 de merii, in su ristoranti “su Pottabi” in Gonnos, Toto Putzu at a fai sa primu cunferèntzia in lìngua sarda de is dexi postas in contu de cenàbura, finas a su 7 de su mesi de làmpadas chi ant a tenni a tema is clàssicus de sa literadura, movendi de òperas de Omeru, e tochendi cussas de Boccaccio, Manzoni, Leopardi, Carducci finas a D'Annunzio. Mentras cenàbura 7 de làmpadas sa cunferèntzia at a essi dedicada a Gigi Riva, grandu òmini e giogadori de palloni, mortu de pagu.
A s'acabbu de ònnia cunferèntzia nci at a ai una pichetada in mesu a cantus e baddus a sonu de launeddas e fisarmònica.
S'intrada a is cunferèntzias est a indonu ma si pagat sa pichetada, po tanti tocat a s'allistai in antis telefonendi a su n.3295952456.
S'eventu est patrocinau de s'Assessorau a sa Cultura de su Comunu de Gonnos, de sa Biblioteca comunali e de sa Diretzioni scolàstica.