Pro sa cumbata de s’emergèntzia pro more de sa difusione de su virus de sa Callentura de su Nilu (Febbre del Nilo), sa Provìntzia de Aristanis at aumentadu su servìtziu de disinfestatzione aumentende s’atividade, chi giai dae meses est faghende sentza si firmare cun sas unidades operativas suas, cun interventos chi ant a èssere fatos dae una sotziedade esterna ispetzializada.
Giai dae su primu casu de infetzione de su virus de su Nilu otzidentale, sa Provìntzia aiat incomintzadu unu pianu de controllu e disinfestatzione in sos giassos prus sensìbiles.
Àteros interventos sunt istados programmados pro giòbia s’8 de cabudanni e ant a sighire sas dies a pustis cun sa bonìfica de giassos pùblicos diferentes de su territòriu provintziale (parcos, iscolas, pratzas):
GIÒBIA 8 DE CABUDANNI 2022:
- Tratamentu in su Comune de Aristanis:
- Àrea acanta de su Tzentru de ecuitatzione SOE – Loc. Sa Rodia
- Tzentru de agregatzione giovanile - Loc. Sa Rodia
- Istrada de Pesaria
- Istitutu Tècnicu e giardinos de sa carrera Carboni
- Zona parchègios a cara de s’INAIL
CHENÀBURA 9 DE CABUDANNI 2022:
- Tratamentu in su Comune de Aristanis:
- Àrea Tzentru Sotziale de Toràngius
- Zona de sa carrera Quasimodo
Sos tratamentos de disinfestatzione contras de sos bobbois cun sas alas ant a èssere fatos dae sas 5 de mangianu. In su tempus chi durat su tratamentu tocat a dare atentu chi: sas ghennas e sas ventanas siant serradas, non si andet in giru in su mentres chi sunt betende sa meighina, sos animale domèsticos piticos siant in logu amparadu dae sa meighina, in foras non bi siat roba isparta e cosas chi impreant pipios e mannos, sa fruta e sa berdura impestada de meighina non siat papada a su nessi pro 6 dies e a pustis, in antis de dda papare, siat sabunada bene meda.
Sa Provìntzia faghet s’atividade sua de preventzione in sos giassos pùblicos ma bortas meda sos focolàios sunt in giassos privados e sunt de importu mannu pro sas infestatziones.
Duncas, fintzas sos tzitadinos si depent cumportare a manera adeguada e giusta pro evitare chi abarret abba paulada in sos giardinos issoro e in sos giassos privados.
(MM)
