Dae chenàbura 29 de trìulas a su 25 de cabudanni torrat a abèrrere sa turre ispagnola de Turre Manna, pro initziativa de s’Assessoradu a sa Cultura de su Comune de Aristanis chi at dadu a sa Fondazione Oristano su còmpitu de abèrrere sa turre e de curare sas bìsitas a intro de sa chi est sa turre costiera prus manna de Sardigna.
S’istrutura at a abèrrere onni fine de chida, dae sa chenàbura a sa domìniga, dae sas 5 a sas 8 de sero (h 17,00-20,00).
Sa bìsita a sa turre de Turre Manna si agiunghet a s’oferta culturale rica meda proposta a sos bisitadores e a sos turistas chi cherent passare sas vacàntzias in su territòriu de Aristanis: dae su Museu Archeològicu Antiquarium Arborense a sa Pinacoteca comunale Carlo Contini, a sas turres de Portixedda e de Marianu II, a s’Archìviu istòricu de su Comune de Aristanis e su Tzentru de Documentatzione e Istùdiu de sa Sartìglia, totu istruturas chi tenent sa gestione afidada a sa Fondazione Oristano, chi tenet s’iscopu pròpiu de fàghere promotzione a sos benes culturales aristanesos e de los valorizare.
Pro tènnere prus informatziones si podet telefonare a su nùmeru 0783-791262 o iscrìere a sa mail visiteguidate@fondazioneoristano.it.
(GF.P.)
