Est nàschidu dae sas manos de deghe artistas su presèpiu “Terra e legno raccontano il Mistero”, chi s’at a pòdere ammirare in s’àula magna de su Museu Diotzesanu Arborense pro prus de unu mese.
S’òpera l’ant creada ponende paris sas màgines de linna e tzeràmica fatas dae Federico Coni, Nicola Filia, Salvatore Garau, Lenci, Essevi, Emilia Palomba, Franco Scassellati, Angelo Sciannella, Giuseppe Silecchia, Eugenio Tavolara e Gavino Tilocca.
Sos artistas ant creadu unu mundu fatu de formas diversas dae su sòlitu, chi agiuant a fàghere prus incantadora e misteriosa sa veridade de su Mistèriu.
S’espositzione l’at a inaugurare cras – 8 de nadale – s’archipìscamu Roberto Carboni, a sas 6 e mesa de sero (h 18,30). Si podet visitare finas a su 15 de ghennàrgiu in sas datas e oràrios chi sighint:
mèrcuris h 10,00-h 13,00
giòbia, chenàbura, sàbadu e domìniga h 10,00-13,00 e 17,00-20,00. Pro intrare non si pagat nudda.
(GF.P.)