Su 27 de cabudanni, a in antis de 300 pitzocheddas/os de is ùrtimas classes de is iscolas superiores de Aristanis s’est arresonadu cun Beniaminu Zuncheddu de s’acontèssidu chi dd’at sinnadu sa vida. S’addòbiu, abertu a chie si siat interessadu, est istadu s’ocasione pro contare su contu de un’òmine, Beniaminu Zuncheddu, impresonadu pro 33 annos sena neghe peruna e de s’avocadu suo chi at gherradu pro sa libertade sua.
S’addòbiu dd’at cuncordadu sa Provìntzia de Aristanis cun s’Isportellu linguìsticu (Avisu R.A.S. Tu.Li.S. 2024). Gràtzias a s’I.T. “Larentzu Mossa” de Aristanis e a sa dirigidora Marilina Meloni, chi at acasagiadu custa faina bella, a totu is dischentes chi ant cumpartzidu cun atentu mannu custu contu de vida e a is professoras/is chi ddus ant acumpangiados.
