Sa Fondazione Sardegna Isola del Romanico in collaboratzione cun su FAI Sardigna at organizadu sa prima editzione de sas Dies de su Romànicu in Sardigna / Giornate del Romanico in Sardegna.
S’adesione a s’initziativaest istada bona e prus de 50 Crèsias Romànicas ant aderidu abarrende abertas pro sas vìsitas, unas cantas su 10 e s’11 de cabudanni e sas àteras s’ant a pòdere visitare sàbadu 17 e domìniga 18 de cabudanni.
In sa provìntzia de Aristanis, sàbadu 10 e domìniga 11 fiant abertas custas crèsias: in Crabas sa crèsia de Santu Juanni Sinis, in Mòguru sa crèsia de N.S. de su Carmu, in Santa Justa sa Basìlica de Santa Justa, in Simaghis sa crèsia de Santu Diadoru, in Sabarussa sa crèsia de Santu Gregòriu, in Fordongianus sa crèsia de Santu Lussùrgiu e in Tzeddiani sa crèsia de Santa Maria de Sas Gràtzias.
Sàbadu 17 de cabudanni s’ant a pòdere visitare:
in Bonàrcadu sa crèsia de Santa Maria (est sa die de sa festa),
in Ilartzi sa crèsia de Santu Prameri e in Tzuri cussa de Santu Perdu,
in Ollasta sa crèsia de Santu Marcu (in sa pratza de sa crèsia a sas 04,30 de merie at a cantare su Coru de Neoneli),
in Màssama (Aristanis) s’oratòriu de sas Ànimas,
in Santu Lussurzu sa crèsia de Santu Lenardu,
In Siamajore de sa crèsia de Santu Teriagos.
Domìniga 18 de cabudanni s’ant a pòdere visitare:
in Bosa de sa crèsia de Santu Perdu (visitas cun sa guida a sas 10,30 de mangianu e a sas 04,00 de sero),
in Màssama (Aristanis) s’oratòriu de sas Ànimas,
in Santu Lussurzu sa crèsia de Santu Lenardu,
in Zrofolliu sa crèsia de Santu Juanni.
Sas crèsias si podent visitare in custu oràriu: 9,30 – 12,30 15,30 – 18,30; non si pagat billete.
Sas Dies de su Romànicu in Sardigna / Giornate del Romanico in Sardegna tenent su patrotzìniu de
Regione Autònoma de Sardigna
FAI Sardigna
Cunferèntzia Episcopale Sarda
Carlo Delfino editore
APS – Itinera Romanica Amici del Romanico
(MM)X
