Pro s’annualidade 2022, sa Regione at a finantziare 19 progetos de educatzione sustenìbile de Entes pùblicos titulares de unu Tzentru de Educatzione a s'Ambiente e a sa Sustenibilidade, CEAS, no acreditadu. De custos 19 progetos bi nd’at 3 presentados dae Comunes de sa Provìntzia de Aristanis: Santu Lussùrgiu, Aristanis, Santeru chi ant retzire 15 mìgia èuros ognunu.
Comente at ispiegadu s’Assessore regionale de sa Difesa a s’ambiente, Gianni Lampis, favorèssere e agiudare sos progetos de educatzione ambientale e de isvilupu sustenìbile est de importu mannu pro sa tutela de s’ambiente. Educare, prus che totu sos giòvanos, a connòschere mègius e a amparare s’ambiente, sas richesas e sos valores de sa natura serbit pro s’isvilupu sustenìbile profetosu pro s’ìsula nostra.
(MM)
