Dae su 4 de austu a su 7 de cabudanni in Aristanis si faghet sa rassigna “Effetto Notte”, tzìnema projetadu in carrera.
Sa rassigna est organizada dae sa Pro Loco e dae s’Assessoradu a sa Cultura e a su turismu de su Comune de Aristanis.
Sas projetziones sunt programmadas dae su 4 de austu a su 7 de cabudanni a sas 8 e mesa de sero (h 20,30) in sa corte de su Museu diotzesanu, in pratza de sa Sea.
Su calendàriu e sos tìtulos los ant seberados, cun atentzione manna, s’assòtziu Band Apart, seberende in mesu de sos chi sunt disponìbiles pro sas projetziones de istiu.
Su billete costat 5 èuros, s’abbonamentu 25 èuros.
Programma
4 de austu
“Imprevisti digitali” (2020, cumèdia, Frantza, Bèlgiu, 109’) de Benoît Delépine, Gustave Kervern
11 de austu
“La casa delle stelle” (2019, cumèdia, drammàticu, Argentina, Ispagna, 120’), de Juan José Campanella
18 de austu
“La famosa invasione degli orsi in Sicilia” (2019, animatzione, Itàlia, Frantza, 82’) de Lorenzo Mattotti
25 de austu
“Il matrimonio di Rosa” (2020, cumèdia, Ispagna, 97’) de Icíar Bollaín
1 de cabudanni
“Paradise. Una nuova vita” (2019, cumèdia, drammàticu, Itàlia, 85’) de Davide Del Degan
7 de cabudanni
“In viaggio verso un sogno – The Peanut Butter Falcon” (2019, cumèdia, drammàticu, USA, 97’) de Tyler Nilson, Michael Schwartz
(GF.P.)