Sas ludotecas ant torradu a fàghere sa mascarada de sa giòbia de tzìpulas, a pustis de duos annos chi no at fatu a fàghere nudda pro neghe de sa pandemia de Covid-19.
A su corteu, chi at mòvidu dae sos giardinos de Viale Repubblica e at isfiladu finas a “Pratza de Citadi” (pratza Elenonora), b’ant partetzipadu pitzinnos de sas ludotecas de Aristanis ma finas pitzinnos de sas biddas a curtzu.
In unu clima de festa, ant allegradu su logu cun màscaras de sa traditzione (sos pòpulos de su mundu) e màscaras chi faeddaiant de atualidade, comente sas emòticon de sos social network o sos màndigos de sos fast food o su virus de su Covid chi pro tantu tempus at firmadu sos momentos de festa e de sotzialidade.
(GF.P.)
