Sa domu editora Zanichelli in s’annoamentu digitali 2025 de su ditzionàriu Zingarelli, de lìngua italiana, nci at postu su fueddu sardu “frègula” comenti a tipu de pasta de sìmbula a bociteddas, de su connotu de sa coxina sarda.
Est de diora chi in su Zingarelli aciapaus àterus fueddus de sa lìngua sarda, no ammancant difatis “burrida”, “carasau”, “malloreddus”, “porceddu”, “seadas” e, a parti custus chi faint parti de su mandiari, “launeddas”.
