Sa Fundatzioni “Mont'e Prama” bolit donai unu incàrrigu, a is dipendèntzias deretas de su Presidenti, po su suportu a is atividadis de s'ufìtziu imprenta/comunicatzioni.
Sa faina de s'incarrigau a sa comunicatzioni finas istitutzionali at a essi prima de totu dereta a is mezus de informatzioni de massa e a s'incuru de is relatzionis cun is òrganus de informatzioni, assegurendi-ndi cantu prus fait sa trasparèntzia, craresa e lestesa de is comunicatzionis de fruniri me in is matèrias chi interessant a s'organismu.
Po pigai parti a sa seletzioni pùblica po tìtulus e esàminis serbit s'iscritzioni a s'òrdini de is giornalistas.
S'incàrrigu est po duus annus ma si podit prorrogai.
Totu is informus e mòdulus chi serbint po pigai parti a sa procedura funt a disponimentu in sa setzioni de is cuncursus de su giassu de sa Fundatzioni “Mont'e Prama”
Is dimandas de ammissioni depint arribai a sa Fundatzioni “Mont'e Prama” sceti a posta eletrònica certificada, a s'indiritzu fondazione.monteprama@pec.it, aintru de is 11,59 de noti de su 25 de martzu de su 2024.
