Sa Fundatzioni “Oristano” at publicau is calendàrius de is collòchius po sceberai is Operadoris voluntàrius de fai traballai me in is progetus de Servìtziu Tzivili Universali chi at finantziau su Dipartimentu po is Polìticas Giovanilis e de su Servìtziu Universali.
In su collòchiu s'at a arraxonai de connoscèntzia de su progetu, elementus de basi de sa matèria specìfica de su progetu sceberau, connoscèntzia de sa normativa prus de importu in matèria de Servìtziu Tzivili Universali.
Is candidaus cunvocaus ant a depi andai a su collòchiu 15 minutus in antis de s'oràriu stabiliu, cun documentu de identidadi bàllidu, ponendi a craru ca a su candidau chi non si presentat sena de motivu giustificau cunforma a su calendàriu stabiliu ddu ant a lassai foras de su sceberu po no ai acabbau sa procedura chi ddi tocat.
Is seas, oràrius e logus anca andai po fai su collòchiu mudat cunforma a su progetu.
Po ndi sciri de prus bai a su giassu de sa Fundatzioni “Oristano”.
