"VISIONI SARDE", prèmiu de su cìnema in limba, est unu festival nàsciu in su 2014 e finantziau cun dinai de sa Regioni Autònoma de Sardigna chi nd'at fatu una aina po contai sa Sardigna a foras, sa cultura e sa stòria cosas suas. Tenit sa punna de avalorai su cìnema e is giòvunus sardus in Itàlia e foras de stadu. Annu po annu custa rassìnnia at interessau sèmpiri de prus su pùblicu, is operadoris e sa crìtica po sa calidadii de is traballus presentaus.
In sa de ùndixi editzionis de "Visioni Sarde", chi est acabbada su 27 de su mesi de ladàmini, in is localis de su Cìnema Farnese in Roma, su prèmiu est andau a su film "Island for Rent" de Elio Turno Arthemalle e Salvatore Cubeddu.
De importu mannu is fueddus de sa giuria ancà ddui fuant Paola Cireddu, Simonetta Columbu, Peter Marcias, Gino Marielli, Simone Pisano, Raffaele Rivieccio, Luca Telese chi ant apretziau s'impreu pruscatotu de sa lìngua sarda, in una manera arta, scìpia, a momentus formali e a momentus prus aberta a sa manera de fueddai de ònnia dii, ma chi no at mai pèrdiu de credibilidadi.
