Est incomintzadu eris, 28 de cabudanni, cun sa mùsica de sa chiterra de Marino De Rosas, su primu Fèstival de sas Pischeras: bator dies de dibatas, laboratòrios e addòbios de valèntzia natzionale dedicados a sa sustenibilidade in àmbitos diferentes, comente sa pisca, su traballu e sa finàntzia, s’educatzione ambientale. Su Fèstival est cuncordadu in Crabas in sas pischeras de Mar'e Pontis e de Mistras e in Marceddì (Terraba), logu etotu de pischeras.
In programma bi sunt fintzas custos ispetàculos de teatru e mùsica:
Oe, 29 de cabudanni, su Fèstival sighit in su Teatru Garau, in Aristanis, cun Giobbe Covatta cun s’ispetàculu "6° (sei gradi)" (oràrios: 19:45 e 21:45). Custu traballu de s’atore tarantinu, a bortas a manera ispassiosa e àteras cun ironia e sàtira, ma semper cun sa divulgatzione iscientìfica a fundamentu, tratat de sa sustenìbilidade de su pianeta nostru.
Chenàbura, su 30 de cabudanni, in Marceddì, a sas 09.00 de sero Dobet Gnahoré, artista ivoriana e una de sas prus famada de Àfrica, at a cantare, sonare e ballare acanta de su mare.
Su Fèstival acabbat, sàbadu sa prima die de santugaine, in sa Pischera Mar'e Pontis, a sas 09,00 de sero - cun Oumou Sangaré, cantante de su Mali, cunsiderada una de sas mègius boghes de Àfrica e fèmina impignada in s’atzione sotziale e pro s’emantzipatzione de sas fèminas.
Pro sos ispetàculos non si pagat billete ma est de òbligu a si prenotare in su situ www.dromosfestival.it
Su Fèstival est promòvidu dae Legacoop Sardigna e Dromos Fèstival, in collaboratzione cun CRU Sardigna Unipol e Regione Sardigna - Istrategia regionale Isvilupu Sustenìbile, cun su patrotzìniu de s'ASviS (Alleàntzia italiana pro s’isvilupu sustenìbile).
Pro informatziones
DROMOS FESTIVAL
Bia Sebastiano Mele 5/b - 09170 Aristanis
Posta eletrònica: info@dromosfestival.it
Situ web: www.dromosfestival.it
Facebook: facebook.com/dromosfestivalsardegna
Telegram: t.me/dromosfestival
Instagram: www.instagram.com/dromosfestival
Telèfono: + 39 0783 310490 Tzellulare:+ 39 334 8022237
(MM)
